大頭文手記: 11月 2006

11/23 久違了的節目

我日返工都係好似呆呆地咁, 成日都好眼訓, 可能d藥令到我咁樣la, 希望聽日好d, 唔係真係做唔晒d野.

放左工之後, 約左女朋友仔去睇戲, 真係好耐未去戲院睇戲la, 今晚睇The Guardian, 雖然d劇情都係意料之內, 個男主角個樣又唔係好掂, 但係Kevin Costner不愧係老戲骨, 表現都幾好, 值得去戲院睇.

睇完戲之後, 本來約左大細妹pick up d 營, 點止佢居然唔記得帶, 你話佢係咪好無記性先, lee舖唔罰都唔得, 等我諗下點樣整喎金佢 heehee

11/20 我病左

我今日無返工, 因為我個頭有d暈, 醫生話我感冒喎, 其實尋日我上course時都覺得唔舒服, 無乜胃口. 可能夜晚訓覺感親掛, 今日唯有係屋企大昏迷la

11/18 小丘姐姐生日派對

今日我地一大班人去左打邊爐, 同小丘姐姐慶祝生日, 成晚我地都係唔停口係度講野, 同食野都very happy 呀! 但係當我夜d準備sleep時, 居然我又肚餓, 好恐怖, 唔通我真係好大食, 希望唔會變肥仔la, 真係要做係運動先得!

祝小丘姐姐, 生日快樂, 身體健康, 一年靚過一年la. yeah!

11/15 倦了

唔知係咪真係年紀大左d, 心態都好似有d轉變咁. 其實當我自己一個人時, 我係會幾享受孤獨既感覺. 個重寧靜既感覺可以令到我成個人都好放鬆, 但係唔知幾時開始, 我已經好耐都無再有這種感覺, 某程度上好似好耐都無放鬆過. 大部份係可能因為我太忙啦, 除左係童軍, 工作亦都令到我有d透唔到氣既感覺. 每日返到去, 個腦就不停係度轉, 重要同時間做幾樣工作, 真係令到我對這份工作慢慢地失去興趣. 身體疲倦可以睡覺recover返, 但係精神疲倦又係點樣先可以好返呢?

我想我真係倦了!

11/11 心情沉重

今日下午我收到一個唔好既消息, 有一個以前係我地旅團度玩既細路入左醫院, 係cancer. 當我去到醫院探佢時, 我呆左, 我真係唔認得佢, 我唔知道可以講d乜, 我無出到聲. 我只係感覺到佢好似好辛苦, 我行到佢床邊, 我本來諗住同佢講加油, 但我真係講唔出, 最後我只係係佢耳邊話左俾佢聽我到左呀. 我講唔出加油, 係因為我覺得繼續要佢撐落去, 佢只會更加辛苦. 係今晚, 我就接到佢走左lee個消息.
生命無常, 人生本身就唔係樣樣野自己都可以決定到. 但當我見到今日係佢就黎離開的時間, 見到佢屋企人係佢身邊, 有一大班好朋友係佢身邊陪住佢. 雖然佢只係活了短短20多個年頭, 但係係佢走時有咁多人關心佢, 坦白講佢已經得到一個好好的人生. 我心信當我自已走時, 都未必有佢咁多朋友. 好多人長命百歲, 但係到佢走的時候, 係無人無物, 孤苦伶仃. 咁樣的一個人生ending就係咪大家想要呢?
最近lee一兩日見到一段新聞, 話一位科大生因為出黎社會, 感受到壓力之後, 選擇自殺解決佢既人生. 我無權話佢對或錯, 我只係想講, 有d人想繼續生存下去, 但偏偏連lee個機會都無, 點解有d人重要選擇放棄呢? 我從來都覺得無野係解決唔到, 只係有無心去克服. 我真係好希望所有既人都能夠勇於接受未來的困難, 好好地珍惜佢自邊的人和事, 咁樣的話, 唔理個人生長或短, 都可以說無悔.

周家杰我地會懷念你!