5/1 梧桐寨 + 老豆生日食飯

今日"五一"勞動節, 所以我決定去勞動一下. 所以就去行山la. 約左光少, 肥彭, 雞宏, gary, 黎佩盈, dickie同我, 一早就去左大埔紅樹林食breadfast, 不過真係好唔掂, 千其唔好再去, d quality唔得, 份量亦唔夠. 一句講晒, 唔掂.

之後就搭車出發la, 整個旅程都好舒服, 一路行都有樹蔭, 所以好舒服, 我地行左約四個鐘就complete, 條路真係好正, 又有唔同既瀑布, 放假咁樣過, 真係好relax

行完出返去大埔, 重整左個tea tim. 咁既行程真係無得彈. 多謝肥彭lee個領隊

夜晚, 一家人就去左棷林閣食飯, 慶祝我老豆生日, 希望佢身體健康la

4/22 肥彭四川之旅

好耐無update, 所以唯有寫d最近發生既事

今日完左集會, 因為好耐無同肥彭食飯, 所以我地就一齊去食lunch, 同埋聽左肥彭係四川旅行d經歷, 當聽完佢講之後, 再睇埋d 相, 真係令我好想去一次行大山. 個感覺真係會好好, 好嚮往.

講完晒之後, 我同肥彭講, 不如攪一次再去行大山. 佢話好, 所以就決定左下一站 - 雲南


俾肥彭d相大家睇下係咪好靚呀, 想睇多d就click 下下邊條link la

*以下係轉載肥彭既mail

Dear all

話說肥彭出o左o黎做o野3年...
終於放人生第一個大假~
由31/3 去到 15/4 ...
去o左四川...又返o左幾日鄉下~

雖然放假前後都做到仆街...
日日都朝9晚12(今晚好d...晚10 =.=)...
都唔知要幾時先恢復正常工作時間 =.=
但係都算實現o左一半旅行夢~

因為Team 1 有4個人...已經有兩部單鏡反光DC...
而後期Team 2 join埋有9個人...total就有4部單鏡反光DC...
所以我只係需要用我部cheap cheap 5300影下相就夠：
http://photo.xanga.com/FriendFrankFriend/albums/

而我其中一個fd o既相終於upload o左上相簿喇...
佢o地d相靚好多...
http://www.fotogb.com/estrella/gongga

Best wishes
肥彭 ^^

3/16 新玩意 - NDS

又好耐無update la, 成日都俾人話, 所以有時間都要寫返下lee排發生d乜野事. 今日買左一樣新玩意, 就係nds la 雖然係幾貴左d, 但係我覺得都值呀. 起埋都可以玩好耐, d game又唔使錢, 一句講晒"正". 可以打"Mario Kart" la

2/24-25 登山技能覆修班

又有一個月無update到日記, 踏入豬年, 希望事事都順利, 最緊要快到轉到工la

岩岩過左lee一個月我上左一個course, 係登山技能覆修班, 係lee 2日就係要去一個camp, full gear行山就係好耐都無做過la, 雖然我去之前2個星期, 我都去做gym train 定d體能, 但係去完之後都真係好累, 真係老左, 都唔知點解以前揹得重多野, 行都重耐, 都無事, 真係少做運動. 不過去完lee個camp俾我既感覺都唔錯, 起埋令我知道我原來係重有d heart去完成lee d辛苦既course. 所以時間許可的話, 有機會我一家試下去考下遠足審核員, lee個都算係一個我以前想上既course. 希望有機會做到la

2/5 感受

真係好耐無打過diary, 過左差唔多一個月既非人生活, 公司整個既renovation終於叫做完結, 雖然重有好多手尾緊, 好多paper work積壓左係到, 但係成個人都叫做鬆晒la

係lee度一定要同細妹同肥源講聲thank you, 因為我唔能夠出席到營火晚會, 而令到佢地要咩起晒整個function, 受到不少壓力同埋不停俾人用眼神怒"啤", 真係唔好意思, 重要細妹做埋mc tim, 真係辛苦晒la

坦白講我真係幾想join到個營火會, 始終我真係覺得lee d活動先至岩我地童軍玩既, 旅慶咁樣攪先有童軍特色ma

最近, 我發覺人同人相處耐左, 磨擦就跟住多左, 好多時我都唔想將d開唔心既事繼續放大, 但係事與願違, 最後始終都令到大家唔開心, 究竟係咪我既性格問題呢? 我係咪好難相處呢? 真係要搵個時間諗下

好快, 又到逗利是既大日子, 今年新年都唔知道有乜節目好, 不過新年後就精彩, 係一個久違既活動, full gear 遠足camp, 自己都一把年紀, 又少運動, 都唔知頂唔頂得順, 真係要做下d training先得la

最後, 希望豬年, 能夠事事順順利利, 身體健康, 我既各方好友, 都能夠心想事成就好la

1/13 少珊passing-out & 海洋公園一日遊

今日真係好早起身, 好辛苦, 不過無計la, 今日係少珊既大日子, 佢終於捱完26週, 順利地passing out. 今日去到黃竹坑, 見到少珊著住制服個樣, 先發覺到佢真係大個女la, 由佢1314歲時, 見佢長大到今日2122歲, 真係覺得時間過得真係好快. 少珊終於要踏出社會, 而且重選擇成為人民既公僕, 真係希望佢能夠盡展所長, 每日都能夠開開心心地成長

去完少珊passing-out, 我地走左去ocean park, 雖然我唔鍾意玩機動遊戲, 但係一大班人去, 始終都係開心, 之後我地去左旺角食放題, 咁就過左lee一日la, 不過真係有d累, 唔認老都唔得la

*恭喜少珊passing-out, 希望佢鍾意我地送俾佢既花同dumbo la. yeah!

1/2 2006年總結

我都很耐無打過blog啦, 因為近排實在太過忙碌, 除左要攪營火會, 公司不停係度裝修, 要搬server room, 真係忙不停!
趁今日有少少時間, 打返一下lee段時間d野先, 其實都無乜特別
12/17 都班細路開左個x'mas party, 都幾好, 唔使諗做乜, 只係食, 同埋玩
12/24-26 3日紅日都係同傻妹過, 24日去左apm食eva dinner, 25日去左傻妹屋企食飯, 重買左乳鴿加料time, 26日朝早去左工展會, 夜晚同阿龜頭ling去打邊爐
12/30-1/1 係西九文娛藝術區度過, 一個我唔覺得好玩既camp, 不提也罷

咁樣就過左2006年la, 新一年新希望, 希望今年能夠繼續開開心心咁過每一日, 身體健康, 最希望就轉到工la.

12/14 高琳琳日記

尋日我上網睇左段news, 關於一個小朋友出生左9日就離開左, 佢既父母幫佢整左個diary紀念佢, 本來尋日諗住搵下個web site睇一睇, 點知實在是太忙無時間搵, 之後就唔記得一左lee件事. 咁朝, 各大報章都有刊登lee段news, 所以放左工返黎終於睇左

個diary唔係其實好多字, 但係已經完全表達出琳琳父母對琳琳既愛, 雖然只係相處左9日, 但係佢地已經無私地付出佢地所有既愛俾琳琳. 令我覺得生命既意義, 不是在於相處時間的長與短, 而時在於有無完全投入享受lee次的生命, 珍惜所有的人與事, 及有無生命充滿愛.

係琳琳lee件事上面, 其實令到好多人都知道, 生命其實唔係可以用物質來衡量, 只有愛先能真真正正表達出生命既意義. 希望各位睇完琳琳既日記之後, 能夠珍惜自己及他人既生命, 更加能夠進一步用愛去感受每一個生命

高琳琳日記
http://www.speech.com.hk/kolamlam/index.htm

12/10 送別

今日一早帶左d細路去左西鐵做service, 但係lee個service就做得唔係太開心, 個度d staff對我地scout d態度好差唔係好有禮貌, 好似覺得我地乜野都關我地事咁, 有d野真係要澄清一下, scout做service唔同其他團體, 係無收$$$, 我地只係義工, 希望重低限度, 真可以俾少少respect la.

夜晚, 定我地去左送周家杰最後一程, 因為時間太趕, 我地遲左少少到, 到達時已經有很多人, 我地只能夠坐係門口, 等個儀式完左, 我地入去?左躬之後就離開. 離開後, 同肥源講開, 真係有很多人送佢最後一程, 有佢學校既師生, 同學, 教會既朋友, 童軍既兄弟. 分分鐘我地唔係個陣時, 我地都未必有佢咁多朋友送最後一程.

令我想到, 其實係在生的時間要有一班飲飲食食既朋友一d都唔難, 但當你唔係度時, 究竟會有幾多人會係你真正既朋友, 會真心咁去送你最後一程呢? lee個問題真係要自己好好反思一下

12/7 吹雞呀!

尋日係公司差一d就發老脾, 根本就唔夠人, 重要催, 唔同我真係3頭6臂咩, 當我一放工, 可能relax左, 突然隻腳好痛無晒力, 死la, 重約左傻妹去尖咀, 無計唯有繼續, 好彩之後無咁痛, 今年x'mas d燈飾, 我都係覺得一般, 可能太累, 無乜心機睇.

係行緊街時, 阿黃打黎, 聽左, 真係出事la, 佢叫我今次旅慶做負責人, 弊! 咁次杰. 今次旅慶攪到都幾大, 不但止係攪camp fire, 重要加入共融元素, 邀請幾個負責弱能人士服務既機構參加, 申請區議會津會, 最大劑係阿黃已經invite左cc阿鮑參加, 真係驚咩唔起, 你話大唔大鑊. 今次無計, 唯有打人情牌.

今次我要吹雞la, 希望各位兄弟姊妹出手相助!

12/3 昂坪效遊 + 紅火蟻BBQ

今日我進行左一個我好耐都無做過既活動 - 就係行山

我們一行人首先係東薈城食早餐, 點知出師不利, 俾光少點左去食一個好難食既早餐. 真係好弊!
當我們出發到起點先發現, 原來一開始條路都幾金, 要上300m, 真係有d賴野既感覺. 但係無計都要頂硬上, 終於係大約20mins左右就上到去, 但係真係好累, 個心不停係度跳, 可能真係好耐無行山, 唔係好頂得順. 希望做左gym之後, 可以train up 返d體能. 不過當身體warm up左之後, 就好快recover返, 整條route用左2h20m完成, 都唔係好差呀, 希望之後會再好d, 始終身體健康係好重要既

之後去搭昂坪360出東涌, 都OK既, 不過點都有D驚, 都唔知幾時開始我好似有D畏高, 無計,怕死

最後, 夜晚去左紅火蟻BBQ, 今日既旅程就完結, 都真係好開心, 因為我始終都係幾鍾意行山呀! YEAH!